Gelli de Belen, nagbigay ng update sa mga anak na nasa Canada

Nagbigay ng update ang aktres na si Gelli de Belen tungkol sa dalawa niyang anak na sina Joaquin Andrés at Julio Alessandro na naninirahan na ngayon sa Canada.

Ayon kay Gelli, naka-online school pa rin sina Joaquin at Julio.

"They're doing well, online schooling 'yung ganun," kuwento ni Gelli sa report ni Lhar Santiago sa 24 Oras.

"But of course may edad na ng kaunti so 'yung isa nagbo-volunteer work to get credits for his course."

Sa Canada na naninirahan sina Joaquin at Julio kasama ang mga magulang ng kanilang amang si Ariel Rivera.

Kahit na malayo, sinisigurado naman ni Gelli na nakukumusta nila ito at nabibisita kung mayroong pagkakataon.

Sa katunayan, noong January ay pumunta sina Gelli at Ariel sa Canada upang ipagdiwang ang Bagong Taon.

Kilalanin pa ang pamilya nina Gelli at Ariel DITO: